एमााले भक्तपुर नगर कमिटी अधिवेशन ः बस्नेत पक्ष उम्मेदवार पराजित (उम्मेदबार, प्राप्त मत र विजयीको नामसमेत)
- Post Date 2024-09-04 12:14:19
भक्तपुर । नेकपा एमाले भक्तपुर नगर कमिटीको हालै भएको नगर अधिवेशनमा नेता महेश बस्नेत पक्षधर उम्मेदवारहरु पराजित भएका छन । एमाले भक्तपुरको नगर अधिवेशन एक सता अघि सम्पन्न भएको थियो । निर्वाचनद्धारा नेतृत्व चयन भएको सो अधिवेशनमा एमाले भक्तपुरका अध्यक्ष बचन देउजा पक्षधर उम्मेदवार मदन द्यौला सानदार मतका साथ अध्यक्षमा निर्वाचित भए ।
देउजा पक्षधर द्यौला ६५ मतका साथ विजय हुँदा उनका प्रतिस्पर्धी बस्नेत समूहका अध्यक्षका उम्मेदवार रवीन्द्र लाछिमस्युले जम्मा २३ मत ल्याएका थिए । त्यसैगरी उपाध्यक्ष, सचिव र दुई उपसचिवमा समेत अध्यक्ष देउजा पक्षधर उम्मेदवाहरु नै भारी अन्तरका साथ विजय भएका छन् ।
यसरी विजय हुन उपाध्यक्षमा रामचन्द्र प्रजापति ६७ मतका साथ निर्वाचित भएका थिए भने उनका प्रतिस्पर्धीले आसराम गोठेले ३० मत ल्याएका थिए । त्यसरी नै सचिवमा महेश मुनकर्मीे ८० मतका साथ निर्वाचित भएका थिए भने उनका प्रतिस्पर्धी उज्वल सिल्पकारले जम्मा १६ मत ल्याएका थिए ।
उता, सहसचिवमा पनि देउजा पक्षधर उम्मेदवारहरु अन्नत वैद्य र रमिता आन्जख्या क्रमश ८१ र ६९ मत ल्याएर विजय भएका छन भने उनका प्रतिस्पर्धी विक्रम कर्मचार्यले १३ र करुणा सुवालले २८ मत ल्याएका थिए ।
सो अधिवेशनमा सदस्यहरुमा भने सर्वसम्मती भएको थियो । केही महिना अघि भएको जिल्ला अधिवेशनमा पनि देउजा पक्षधरहरु नै हावी भएका थिए । त्यसो त एमालेका पोलिटव्यूरो सदस्य महेश बस्नेत पार्टीको जिल्ला इन्चार्जको जिम्मेवारीमा केही महिना अघिबाट आएका छन् ।
...
All Comments.......
Please Login/Register To Comments