प्रथम स्काउट परिषद बैठक सम्पन्न
- Post Date: 2024-11-28 15:05:12
स्थानीय स्काउट परिषद सूर्यविनायक नगरपालिकाको प्रथम स्काउट परिषद बैठक स्थानीय स्काउट संरक्षक सूर्यविनायक नगरपालिका नगरप्रमुख बासुदेव थापाले नगरपालिकाको शिक्षा, स्वास्थ्य र पर्यटन क्षेत्रको विकास गर्न तथा असल, इमान्दार, अनुशासित नागरिक निर्माणमा स्काउटको भूमिका बारेमा चर्चा गर्दै यसतर्फ ध्यान केन्द्रित गर्न निर्देशन दिनुभयो।
नगरप्रमुख थापाले सूर्यविनायकको पहिचान र यसको स्वाभिमान अभिवृद्धिका लागि समेत स्काउट परिचालित हुनुपर्ने कुरामा जोड दिनुभयो। स्थानीय स्काउट परिषदका अध्यक्ष एवं प्रमुख स्काउट तथा सूर्यविनायक नगरपालिका नगर उपप्रमुख सरिता भट्टराईको अध्यक्षतामा उक्त कार्यक्रम सम्पन्न भएको छ।
कार्यक्रममा बागमती प्रदेशका प्रमुख आयुक्त शिव कुमार त्वायनाले सूर्यविनायक नगरपालिका क्षेत्र भित्रको स्काउट
गतिविधि र क्रियाकलाहरू संख्यात्मक र गुणात्मक रुपमा वृद्धि भएकोमा खुसी व्यक्त गर्नुभयो।
उक्त कार्यक्रममा स्थानीय स्काउट परिषद सूर्यविनायक नगरपालिकाको उपाध्यक्ष तथा प्रमुख आयुक्त कृष्मा थोकरले प्रगति विवरण तथा बार्षिक प्रस्तावित कार्यक्रम र वित्त आयुक्त मिलन कायस्थले आर्थिक प्रतिवेदन प्रस्तुत गर्नुभयो।
कार्यक्रममा प्रहरी नायब उपरीक्षक रमेश पाल, शिक्षा शिक्षा प्रमुख तथा परिषद सदस्य सचिव रत्न कटुवाल र प्रशासकीय अधिकृत तारानाथ लुइँटेल समेतको उपस्थिति रहेको थियो। कार्यक्रममा स्वागत परिषद सदस्य अनिल कस्पाल र कार्यक्रम सञ्चालन परिषद सदस्य जीवन सुवाल गर्नुभएको थियो।
-
Shares
All Comments...
Please Login/Register to comment.