- Post Date 2021-02-17 09:46:20
भक्तपुर । भक्तपुर प्रहरीले मोटरसाइकल चोरी गरेको आरोपमा विभिन्न व्यक्तिहरुलाई पक्राउ गरेको छ। भक्तपुर जिल्ला सुर्यबिनायक नगरपालिका वडा नम्बर ८ सिपाडोल बस्ने बर्ष २६ को किसन थापाले आफ्नै घर कम्पाउण्डमा राखेको प्रदेश नं ३–०२–०१० प ७१४१ नं. २२० सि.सि. को पल्सर मोटरसाईकल पार्किङ गरी राखेको अवस्थामा चोरी भएको र भक्तपुर बाराहीस्थानको उकालोबाटोस्थित गणेश स्कुल नजिक डेरा गरी बस्ने बर्ष २२ को पेम्बा तामाङले डेरा कोठा अगाडी प्रदेश २–०२० प ८८२७ नं. २२० सि.सि. को पल्सर मोटरसाईकल पार्किङ गरी राखेको अवस्थामा चोरी भएको भनी निवेदन पेश गरेकोमा खोजतलास गर्दै गरेको थियो ।
खोजतलास गर्ने क्रममा जिल्ला प्रहरी कार्यालय ओखलढुंगासंग समन्वय गरी खटिएको प्रहरी टोलीले चेकजाँच गर्ने क्रममा उक्त नं.को मोटरसाईकलहरु चोरहरु सहित उनीहरुलाई पक्राउ गरेको प्रहरीले जनाएको छ । ओखलढुंगाबाट पक्राउ गरिएका अभियुक्तहरुमा ओखलढुंगा लिखु गाउपालिका वडा नंम्बर ९ बस्ने बर्ष २२ को कुल बहादुर तामाङ, ओखलढुंगा खिजी देम्बा गाउँपालिका वडा नम्बर २ बस्ने बर्ष २८ को पञ्चमान तामाङ, ओखलढुंगा लिखु गाउँपालिका ९ बस्ने बर्ष २४ को गोबिन्द गौतम रहेका छन् । उनीहरुलाई जिल्ला अदालतमा पेश गरी थप अनुसन्धान गर्दै जाँदा उल्लेखित दुबै मोटरसाइकल चोरी कार्यमा संलग्नहरुको खोजतलास गर्दै जाँदा उनीहरुलाई पक्राउ गरेको महानगरीय प्रहरी परिसर भक्तपुरले जनाएको छ ।
साथै भक्तपुर नगरपालिका वडा नम्बर ७ स्थित आदर्शचोकमा चेकजाँचको क्रममा बा. ९८ प. ८९६४ नं. को २२० सि.सि. को हरी गोविन्द शिल्पकारको नाममा रहेको पल्सर मोटरसाइकल चोरी गरी लादै गरेको अवस्थामा निम्नलिखित अभियुक्तहरु पक्राउ परेको । दोलखा शैलुङ गाउपालिका वडा नम्बर ४ घर भई हाल जिल्ला ललितपुर धोबिघाट बस्ने बर्ष २७ को अभिषेक योञ्जन, जिल्ला दोलखा शैलुङ गा.पा. वडा नं. ६ घर भई हाल जिल्ला भक्तपुर सुर्यविनायक बस्ने बर्ष १९ को सुमन नेपाली पक्राउ गरेका छन्।
All Comments.......
Please Login/Register To Comments