कमलविनायकमा दुर्घटना, एकको मृत्यु
- Post Date: 2020-06-15 02:31:35
भक्तपुर । भक्तपुरको कमलविनायक भत्केकोपाटीमा शनिबार राति मोटरसाइकल दुर्घटना भएको छ । आफूले चलाएको मोटरसाइकल आफैं अनियन्त्रित भई भएको दुुर्घटनामा परी मोटरसाइकल चालक भक्तपुर नगरपालिका १० कमलविनायक बस्ने वर्ष १७ को रन्जित माहाजुको मृत्यु भएको छ । खरिपाटीबाट कमलविनायकतर्फ आउदै गरेको बा ९५ प १४५५ नं को मोटरसाइकल आफै अनियन्त्रित भई सडकको नालीमा खस्न गई दुर्घटना भएको महानगरीय प्रहरी परिसर भक्तपुरले जनाएको छ । सूचनाप्राप्त हुनासाथ गस्तीमा रहेको प्रहरी टोलीले मोटरसाइकल मृतक माहाजुलाई उपचारको लागी भक्तपुर अस्पताल लगी प्राथमिक उपचार पश्चात थप उपचारका लागी ट्रमा सेन्टर रिफर गरिएकोमा उपचारको क्रममा सम्बन्धित चिकित्सकले मृत्यु भएको घोषणा गरिएको परिसरका सूचना अधिकृत दीपक गिरीले जनाए । मोटरसाइकल महानगरीय ट्राफिक प्रहरी प्रभाग कमलविनायकको नियन्त्रणमा रहेको जनाएको छ । घटनाबारे थप अनुसन्धान कार्य भइरहेको जनाइएको छ ।
-
Shares
All Comments...
Please Login/Register to comment.