अनावश्यक भीड वढेपछि भक्तपुरमा सवारी पास दिन बन्द
- Post Date 2021-04-30 12:40:22
अनावश्यक रुपमा अति आवश्यक भन्दै झुकाएर सवारी पास लिन आउनेहरुको संख्या निरन्तर वढेको बढे भएपछि जिल्ला प्रशासन कार्यालय भक्तपुरले शुक्रबारदेखि सवारी पास वितरण गर्न बन्द गरेको छ । कार्यालयले शुक्रबार एक सूचना जारी गरी अव अतिआयावश्यक मृत्यु संस्कार र अत्यन्तै जरुरी कार्यको लागि मात्रै स्थानीय तलको सम्बन्धित वडा कार्यालयको सिफरिस लिएर आएकाहरुलाई मात्रै सवारी पास दिने जनाएको छ ।
जिल्ला प्रशासन कार्यालय भक्तपुरका प्रशाशकीय अधिकृत यज्ञराज जोशीबाट जारी सूचनामा अनावश्यक व्यक्तिहरुले पनि अति आवश्यक भनी झुकाएर सवारी पास लिन आउनेहरुको भीड नघटेकाले कडाई गर्नुपरेको जनाइएको छ । लकडाउनको समयदेखि नै अनावश्यक व्यक्तिहरु अति आवश्यक भनी झक्याई सवारी पास लिन आउने भीड निरन्तर बढेकाले स्थानीय निकायबाट स्वीकृति लिएर आएकाहरुलाई मात्रै पास दिने जनाइएको छ ।
विरामी तथा कुरुवा, सरकारी कार्यालय तथा सार्वजनिक संस्थान, बैक, वित्तीय संस्था, विमा, एयरर्पोटमा जानेआउने यात्रुहरुको हकमा सवारी पास आवश्यक नपर्ने बताएको छ । यस्ता व्यक्तिहरुलाई कहीकतै अवरोध भएका सहजीकरणका लागि नेपाल प्रहरीको १०० र १०३ नम्वरमा फोन गर्न सकिने जनाइएको छ ।
...
All Comments.......
Please Login/Register To Comments