तालिवानं अफगानिस्तानया मू स्वंगू सहर कब्जा यायेगु कुतः यात
- Post Date: 2021-08-01 14:36:53
अफगानिस्तान सैनिकया नियन्त्रणय् दूगु मू स्वंगू सहर तालिवान पुचलं कब्जाय् कायेत्यनेधुंकाः निगू पक्षदथुइ ल्वापु जूगु दु । अफगानिस्तानया पश्चिम व दक्षिण क्षेत्रय् च्वंगु हेरात, लस्करगाहा व कान्दाहारय् तालिवानं कब्जाय् कायेत्यने धुंकाः ल्वापु जूगु खः ।वइगु सेप्टेम्बरतकया दुने अफगानिस्तानपाखें फुक्क विदेशी सेना पिहाँ वनेगु घोषणा जुइधुंकाः तालिवान पुचलं आक्रमण तीव्र याःगु खः । तालिवानं ग्रामीण क्षेत्रय् कब्जा यायां वयाच्वंगु दु । अय्सां मू सहरत धाःसा अफगान सेनाया हे नियन्त्रणय् लानाच्वंगु दु । निगू पक्षया ल्वापुया हुनिं अफगानिस्तानय् तच्वकं मानवीय संकट वयेफूगु चिन्ता प्वंकूगु दु । अमेरिकाया छगू संस्था साइगरं अफगानिस्तानया आःया अवस्थाय् सुधार मजूसा सरकारया अस्तित्व संकटय् लायेफूगु रिपोर्ट सार्वजनिक याःगु दु ।
-
Shares
All Comments...
Please Login/Register to comment.