- Post Date 2021-08-12 14:21:49
कृष्ण प्रजापति
येँया चाबहीलिइ छम्ह मनुखं थःहे कलाःया हत्या याःगु दु । मकवानपुरया हेटौंडा छेँ जुयाः येँया चाःबही च्वनाः वयाच्वंम्ह ३९ दँया राम श्रेष्ठं २३ दँया थः कलाः रंजना तामाङया ककु तियाः हत्या याःगु महानगरीय प्रहरी वृत्त गौशालां जानकारी ब्यूगु दु । रंजना खुला (६ महिना)या प्वाथय् दुम्ह खः । हत्या लिपा राम श्रेष्ठ थःम्हेस्यां हे प्रहरीया हटलाइन १०० नम्बरय् फोन यानाः थःम्हं कलाःया हत्या यानागु जानकारी ब्यूगु खः । वं फोन यायेधुंकाः प्रहरी पुचः थ्यंकूबलय् कोथा दुने चुकू तयाः च्वनाच्वंगु अवस्थाय् अभियुक्त राम श्रेष्ठ व लासाय् रंजनाया सीम्ह लुयावःगु खः । कलाःलिसे विवाद जूबलय् थःम्हं ककू तियाः हत्या यानागु धकाः श्रेष्ठं स्वीकार याःगु प्रहरीं जानकारी ब्यूगु दु । गौशाला प्रहरीया डिएसपी केशव भट्टराई नं घटनाया पुष्टि यासें अनुसन्धान न्ह्याकागु जानकारी ब्यूगु दु ।
...
All Comments.......
Please Login/Register To Comments