हाइटीइ ७.२ रेक्टरस्केलया भुखाय् ब्वल, स्वसःम्हसिबें अप्वः सित
- Post Date: 2021-08-15 14:50:07
कृष्ण प्रजापतिहाइटीइ तःभुखाय् ब्वयाः ३०४ म्ह मनूत सीगु दुसा १८०० म्ह मनूत घाःपाः जूगु दु । हाइटीया प्रधानमन्त्रीं भुखाचं आपालं क्षति जूगु धासें लच्छिया नितिं आपतकाल घोषणा याःगु दु । भुखाचं मनतय्गु छेँ, चर्च, होटल लिसेंया आपालं संरचनात दुंगु दु ।
स्थानीय ईकथं शनिवाः सुथय् हाइटीइ ७.२ रेक्टरस्केलया भुखाय् ब्वःगु खः । थुकिया इपिसेन्टर सेन्ट–लुइस दुसुद धैगु थासं १२०० किलोमिटर तापाक्क लाःगु अमेरिकन जिओलोजिकल सर्भे नं जानकारी ब्यूगु दु । भुखाय् धक्का थ्यंमथ्यं १२५ किलोमिटर तापाक्क लाःगु राजधानी पोर्ट ओ प्रिन्सय् व जलाखला देसय् तकं महसुस जूगु खः । सन् २०१० स ब्वःगु तःभुखाचं नं हाइटीइ आपालं क्षति जूगु खःसा आः हाकनं ब्वःगु मेगु भुखाचं हाइटीइ आपालं क्षति जूगु बीबीसीं जानकारी ब्यूगु दु । अमेरिकी राष्ट्रपति जो बाइडेनं भुखाचं लिच्वः लाःगु हाइटीइ तत्काल राहत ग्वाहालि यायेत यूएसआइडीयात उजं ब्यूगु दु ।
-
Shares
All Comments...
Please Login/Register to comment.