- Post Date 2021-08-26 13:01:12
<!--[if gte mso 9]><xml>
प्रधानमन्त्री शेरबहादुर देउवां जनगायक जुठबहादुर खड्की जेबी टुहुरे मदुगुलिं दुःखः प्वंकूगु दु । प्रधानमन्त्री देउवां सामाजिक संजाल ट्वीटरपाखें जनगायक टुहुरे मदुगुलिं दुःख प्वंकूगु खः । प्रम देउवां ट्वीटरय् च्वःगु दु, ‘कलाकार जुठबहादुर खड्की (जेवी टुहुरे) मदुगु खबरं अतिकं स्तब्ध जुयागु दु । वय्कःया आत्माया चीर शान्तिया कामना यासें छेँजःपिन्त हार्दिक समवेदना प्वंकाच्वना ।’ लिसें प्रधानमन्त्री देउवां टुहुरेया आत्माया चीर शान्तिया कामना यासें छेँजःप्रति समवेदना प्वंकूगु दु ।
जनगायक जेबी टुहुरे ७८ दँया उमेरय् बयोधा अस्पतालय् वासः यायेगु झ्वलय् थौं बिहिवाः मदूगु खः । मंगलवाः कलंकीइ च्वंगु छेँय् आकाझाकां बँय् दयेधुंकाः बयोधा अस्पताल यंकूगु खः । टुहुरेयात नुगःचु, स्वँ, मधुमेह व उच्च रक्तचापया दीर्घल्वय् तकं जुयाच्वंगु खः ।
जनसांस्कृतिक महासंघया निवर्तमान नायः सरल सहयात्रीया कथं संविधानसभा दुजः तकं जुयाच्वंम्ह टुहुरेया सीम्ह अन्तिम श्रद्धाञ्जलिया नितिं थौं बिहिवाः न्हिनय् १ः३० ता ईनिसें २ ता इतक पार्टी ज्याकुथि पेरिसडाँडाय् तयातःगु खः । टुहुरेया थौं बिहिवाः हे पशुपति दीपय् अन्तिम दाहसंस्कार याइगु जानकारी ब्यूगु दु । १५० पुसिबें अप्वः जनपक्षीय म्ये रेकर्ड यायेधुंकूम्ह जेवी टुहुहेया ‘आमा दिदीबहीनी हो कति बस्छौं दासी भई...छोराहरु हो छोरीहरु हो बीर छोराछोरी हो...के दिऊँ दाइजो चेलीलाई...हिड मेरा...’ आदि म्ये लोकं ह्वाः । २०७५ सालय् जेबी टुहुरेया नामय् जेबी टुहुरे फाउण्डेशन तकं पलिस्था याःगु खः । फाउण्डेशनया नायः टुहुरेया म्ह्याय् निर्भिका जुयाच्वंगु खः ।
...
All Comments.......
Please Login/Register To Comments