सिनेमा हलत थौःनिसें चलेयाके बिइगु
- Post Date 2021-09-02 06:09:12
कृष्ण प्रजापति
बैशाख न्हापांगु वाःनिसें बन्द जूगु स्वनिगःया सिनेमा हलत थौःनिसें चलेयाके बिइगु निर्णय याःगु दु ।
स्वनिगःया येँ, यल व ख्वपया स्वंगू मू जिल्ला अधिकारीया बैठकं बिहिवाःनिसें हल संचलन याकेबिइगु निर्णय याःगु येँया सहायक प्रमुख जिल्ला अधिकारी उमाकान्त अधिकारीं धाःगु दु । अधिकारं धाःगु दु, ‘स्वास्थ्य सुरक्षाया मापदण्ड पालन यानाः संकिपा सिनेमा छेँयात संचालन याकेबिइगु निर्णय जूगु दु । पालना जू मजूगु प्रशासनपाखें अनुगमन जुइ ।’ निगूगु चरणया कोरोना महामारी ब्वलनेधुंकाः बैशाखया न्हापांगु वाःनिसें हलत बन्द जूगु दु । साढे ४ महिनालिपा हलत संचालनय् वयेत्यंगु खः । प्रशासनं हल चायेकेत अनुमति ब्यूसां नं सुं नं निर्मातां प्रदर्शन तिथि क्वःमछ्यूनिगुलिं छुं ई संकिपा हलय् संकिपाया अभाव जुइगु खनेदु ।
...
All Comments.......
Please Login/Register To Comments