- Post Date 2021-09-13 13:02:35
नेपालभाषा साहित्य तःमुँज्याया अध्यक्ष चन्द्रबहादुर उलकया नायःसुइ च्वंगु मुँज्यां नेपालभाषा साहित्य तःमुँज्याया मू गुथि न्हूधाः याःगु दु । न्हूम्ह अध्यक्ष कथं साहित्यकार आशाकुमार चिकंबजार च्वनादीगु दु । उगु हे मुँज्यां पुलांम्ह नायः चन्द्रबहादुर उलकया संयोजकत्वय् छगू सल्लाहकार समिति व लक्ष्मीनारायण राजलवटया संयोजकत्वय् सांस्कृतिक समिति नं नीस्वंगु दु ।
वइगु कउलाथ्व द्धादशि व त्रयोदशि निन्हुयंकं ख्वपय् जुइगु पीनिकःगु नेपालभाषा साहित्य तःमुँज्याया तयारी यायेगु कथं मूगुथिया न्हूधाः याःगु खः । मुँज्यां ख्वपया मदुपिं साहित्यकारपिं रमापतिराज शर्मा, पूर्णबहादुर बैद्य नापं प्रगतिशील साहित्यकार आनन्ददेव भट्टयात लुमंकाः लुमन्ति मुँज्या नं याःगु खः । ज्याझ्वलय् पूर्णबहादुर बैद्यया बारे साहित्यकार आशाकुमार चिकंबंजारं कनादीगु खःसा स्रष्टा समाजया अध्यक्ष लक्ष्मणराज जोशीं प्रगतिशील साहित्यकार आनन्ददेव भट्टया बारे ध्वाथुइकादीगु खः ।
...
All Comments.......
Please Login/Register To Comments