- Post Date 2021-10-28 12:23:13
कृष्ण प्रजापति
नेकपा एकीकृत समाजवादीया नेता राजेन्द्र पाण्डें थौं बिहिवाः बागमती प्रदेशया मुख्यमन्त्रीया पद कःघाइगु जूगु दु । पाण्डें थौं बिहिवाः हे चीधंगु आकारया मन्त्रिपरिषद नीस्वनीगु जूगु दु ।
नेकपा एमालेपाखें मुख्यमन्त्री जूम्ह अष्टलक्ष्मी शाक्य अल्पमतय् लानाः राजीनामा बिइधुंकाः पाण्डे मुख्यमन्त्री जुइत्यंगु खः । बागमतीइ कृष्णप्रसाद खनाल आन्तरिक मामिला, कृष्णलाल भँडेल भौतिक पूर्वाधार व कुमारी मोक्तान सामाजिक विकासमन्त्री जुइत्यंगु दु । एमाले विभाजन जुइधुंकाः १३ म्ह प्रदेशसभा दुजलं एकीकृत समाजवादी पार्टी ल्ययेधुंकाः मुख्यमन्त्री शाक्य अल्पमतय् लाःगु खः । कांग्रेस, माओवादी व जसपाया यानाः ५९ म्ह सांसदपिनिगु समर्थनय् पाण्डें बुधवाः हे मुख्यमन्त्री पदय् दाबी पेस याःगु खः । तत्काल स्वम्ह मन्त्रीलिसें मुख्यमन्त्री पाण्डे सरकराय् वनीगु व स्वन्तिलिपा मन्त्रिपरिषदयात पूर्णता बिइगु गठबन्धनया तयारी दु ।
...
All Comments.......
Please Login/Register To Comments