- Post Date 2021-11-10 12:59:46
कृष्ण प्रजापति
नेवाः संस्कृति सम्पदा परम्पराय् नुगः क्वसाःम्ह दाता नेपाःया लोकंह्वाःम्ह संगीतकःमि येँया स्थानीय योगेश्वर अमात्यया जग्गाया नक्कली धनी पूर्जा दयेकाः ऋण प्रवाह जूगु लुयावःगु दु । म्येहालामि योगेश्वर अमात्यया बारा जिल्लाय् च्वंगु १२ बिगाहा जग्गा धितो तयाः कुमारी बैंकया बारा शाखापाखें १९ करोड तका दां ऋण प्रवाह जूगु सीदूगु खः । थुकिया विषयस जानकारी वयेधुंकाः म्येहालामि योगेश्वर अमात्यं मोहनी न्ह्यः प्रहरीया केन्द्रीय अनुसन्धान ब्यूरो (सीआईबी) स अनुसन्धानया नितिं जाहेरी ब्यूगु खः ।
जाहेरी कथं सरकारी लिखत कीर्ते सम्बन्धी कसूरय् अनुसन्धानया नितिं ब्यूरों छुं वा न्ह्यः न्याम्हेसित गिरफ्तार याःगु दु । गिरफ्तारीइ लाःपिं कुमारी बैंकया ऋण अधिकृत सोनु ठाकुर, मूल्यांकनकर्ता राजेश चौरसियालिसें नक्कली जग्गाधनी जूम्ह एसके महर्जन, मुक्तिलाल गौतम व विचौलियाय् कुसुम प्रधान जूगु ब्यूरोया प्रमुख धिरजप्रताप सिंहं जानकारी ब्यूगु दु । प्रहरीलिसेया बयानय् नक्कली जग्गाधनी महर्जन व गौतमं थःपिं नं फसेजूगु धाःगु दु । इमिसं ‘कुसुम प्रधानं थःपिन्त डुबेयाःगु’ धाःगु दु । थुगु विषयस विस्तृत अनुसन्धान जुयाच्वंगु दु ।
...
All Comments.......
Please Login/Register To Comments