- Post Date 2021-11-10 15:07:25
कृष्ण प्रजापति
ब्लोड डोनर्स एशोसिएसन नेपाल (ब्लोडान) ख्वप जिल्ला शाखाया झिक्वःगु तःमुँज्या बुधवाः तःजिक जुल । तुंछेँ रेष्टुराँ ब्यासी जूगु उगु तःमुँज्या ब्लोडानया केन्द्रीय अध्यक्ष सानुबाबु प्रजापतिं त्वाः देवाय् मतः च्याकाः उलेज्या यानादिल । उगु ज्याझ्वलय् वय्कलं ख्वपं हिया लागाय् आपालं योगदान यानाच्वंगु कनादिसें सितिं वनीगु म्हय् च्वंगु हियात सदुपयोग यायेगु निंतिं नं हिदान यायेमाःगु खँ ब्यापक रुपं कना वनेमाःगु खँ कुलादिल ।
नेपाल रेडक्रम सोसाइटी ख्वप जिल्ला शाखाया संयोजक कृष्णगोपाल लागेजूं रेडक्रस ख्वपपाखें ब्लोडान स्थापना कालंनिसें आः तकं यानाच्वंगु ग्वाहालियात सराहना यानादिल । ब्लोडान ख्वप जिल्ला शाखाया अध्यक्ष शिवकुमार त्वाय्नाया सभापतित्वय् जूगु उगु ज्याझ्वलय् नेपाल रेडक्रस सोसाइटी जिल्ला शाखा ख्वपया पुलांम्ह अध्यक्ष कृष्णप्रसाद अवाल, भक्तपुर उद्योग वाणिज्य संघया प्रतिनिधि नापं थीथी वक्तातय्सं भिन्तुना देछानादीगु खः । संस्थाया सचिव रुकेश रन्जितं वार्षिक प्रगति विवरण न्यंकादीगु ज्याझ्वः ज्यासना पुचःया दुजः सोमप्रसाद प्रधानं न्ह्याकादीगु खः ।
...
All Comments.......
Please Login/Register To Comments