- Post Date 2021-12-06 05:42:58
कृष्ण प्रजापति
किपूया १ वडा थांबहाः त्वालय् आइतवाः स्वरसम्राट नारायणगोपाल मदुगु दिं मंसीर १९ गते लुमन्ति कथं ३१ क्वःगु नारायणगोपाल स्मृति सनिल ज्याझ्वः जुइगु जूगु दु ।
थौं आइतवाः सनिलया ४ ता ईनिसें बहनीसिया ८ ता ईतक न्ह्याइगु उगु ३१ क्वःगु नारायणगोपाल स्मृति सनिल ज्याझ्वलय् मूपाहाँ कथं किपू नगरपालिकाया मेयर रमेश महर्जन व उपमेयर सरस्वती रिजाल खड्कायात ब्वनातःगु दुसा विशेष पाहाँ कथं किपू नगरया १ निसें १० वडाया सकल वडाध्यक्षलिसें जनप्रतिनिधि व थीथी ख्यःया व्यक्तित्वपिन्त ब्वनातःगु दु । भ्वाईस अफ कीर्तिपुरया ग्वसालय् व नेवाः लहनाया प्रायोजनय् थौं आइतवाः जुइगु ३१ क्वःगु नारायणगोपाल स्मृति सनिलय् किपूया लोकंह्वाःम्ह म्येहालामि रत्नशोभा महर्जन मूपाहाँ म्येहालामि कथं उपस्थित जुयाः नारायणगोपालया म्ये न्ह्यब्वइगु जूगु दुसा किपूया हे नांजाःम्ह म्येहालामि राजेश महर्जन नेवाः नं मू गायकया रुपं नारायणगोपालया म्ये न्ह्यब्वइगु जूगु दु ।
अथेहे, उगु ज्याझ्वलय् किपूया हे लोकंह्वाःम्ह म्येहालामि सुविन श्रेष्ठलिसें न्हूप्रतिभा मचा म्येहालामि एरोन महर्जन, म्येहालामि लक्ष्मी महर्जनलिसें म्येहालामि रविन महर्जनं नारायणगोपालया म्ये न्ह्यब्वइगु जूगु दु । किपूया संचारकःमि ललेन्द्र शाक्यं न्ह्याकादीगु थौं आइतवाःया ३१ क्वःगु नारायणगोपाल स्मृति सनिल ज्याझ्वलय् उपस्थितिया नितिं सकल संगीतह्यःमि जनसमुदायपिन्त ग्वसाः खलः भ्वाईस अफ कीर्तिपुर व मू प्रायोजक नेवाः लहनां इनाप याःगु दु ।
...
All Comments.......
Please Login/Register To Comments