- Post Date 2022-01-09 12:28:10
कृष्ण प्रजापति
नेवाः वाङमय ख्यःया छगू प्राज्ञिक संस्था कथं नीस्वनातःगु नेपालभाषा एकेडेमीपाखें नेवाःतयगु विविध विषययात कयाः छगू तःधंगु “नेवाः सांस्कृतिक ज्ञानकोश” दयेकेगु ग्वसाः न्ह्यानाच्वंगु दु ।
येँ महानगरपालिकाया आर्थिक ग्वाहालिइ तयार जुइगु उगु बृहत ज्ञानकोश दयेकेगु खँय् विज्ञपिं व दुजःपिनिदथुइ छगू अभिमुखीकरण ज्याझ्वः जुउगु दु । नेपालभाषा एकेडेमीया भाइस चान्सलर बाखंच्वमि यज्ञरत्न धाख्वाःया पाखें त्वाःदेवाय् मत च्याकाः उलेज्या जुउगु उगु अभिमुखीकरण ज्याझ्वलय् इतिहासविद् डा. त्रिरत्न मानन्धरं ज्ञानकोष गुकथं न्ह्याकेगु धइगु खँया कार्यपत्र न्ह्यब्वयादीगु खःसा साहित्य समालोचक प्रा. प्रेमशान्ति तुलाधरं नेपालभाषा च्वयेगु छुं नियमया ज्यापौ न्ह्यब्वया दिल ।
अथेहेतुं एकेडेमीया सदस्य सचिव मल्ल के सुन्दरं नेपालभाषा सांस्कृतिक ज्ञानकोश परियोजना कार्यविधि न्ह्यब्वयादीगु खः । उगु अभिमुखीकरण ज्याझ्वलय् संस्कृतिविद् डा. चुन्दा बज्राचार्यं व्यक्ति म्हसीकायात कया थःगु ज्यापौ न्ह्यब्वयादिल । ज्याझ्वलय् न्ह्यब्वःगु ज्यापौयात कया बृहत सहलह जुउगु अभिमुखीकरण ज्याझ्वः धुंकाः आः “नेवाः सांस्कृतिक ज्ञानकोश”या तयारीइ छपलाः अझ न्ह्यांवंगु दु धासें ज्याझ्वःया सभानायः यज्ञरत्न धाख्वाःजुं थ्व वृहत अभियानय् थःथःगुपाखें फूचाःगु ग्वाहालि यानादीत सकसित इनाप यानादीगु दु ।
...
All Comments.......
Please Login/Register To Comments