बेलायतया राजकुमार एन्ड्रिउं शाही यौनकाण्डय् लात
- Post Date: 2022-01-16 04:45:35
कृष्ण प्रजापतिबेलायतया राजकुमार एन्ड्रिउं शाही सुविधा गुमेयाःगु दु । यौनकाण्डय् लायेधुंकाः वं सैनिक भूमिका व राजकुमारया रुपं कायेदइगु संरक्षण व सुविधा तकं गुमेयाःगु दु । आः एन्ड्रिउयात रोयल हाइनेश धाइमखुत । वं सन् २०१९ स सार्वजनिक जिम्मेवारी गुमेयाये धुंकूगु खः । एन्ड्रिउं सर्वसाधारणंथें थःत लाःगु अभियोगया सामना यायेमालीगु जूगु दु ।
एन्ड्रिउयात कम उमेरया मिसालिसे यौन स्वापू तःगु अभियोग लाःगु दु । यौनकाण्डय् लानाः गिरफ्तारीइ लाःम्ह अमेरिकी नागरिक जेफरी इपिस्टिनलिसे वया स्वापू खुलस्त जूगु खः । इपिस्टिनं जेलदुने आत्महत्या यायेधुंकूगु दु । ६१ दँया एन्ड्रिउ बेलायतया महारानी एलिजाबेथया निम्हम्ह सन्तान खः । व विगतय् यौनकाण्डय् दुथ्याःगु खुलस्त जूगु खः । एन्ड्रिउयात कम उमेरय् यौन स्वापूया द्वपं ब्यूम्ह भर्जिनिया जिउप्रे आः ३८ दँयाम्ह खः । व १७ दँ दुबलय् एन्ड्रिउ नं यौन दुव्र्यवहार याःगु विषय न्ह्यःने वःगु खः ।
(थौंयात ग्रेस नेपालभाषा बुलेटिन थन हे क्वचाल । प्राविधिक पासा रामहरि चोलागाईं नापं जि कृष्ण प्रजापतियात बिदा बियादिसँ । कन्हय् नापालाये ।)
-
Shares
All Comments...
Please Login/Register to comment.