किपुलिइ न्हापांगु रोजगार सम्मेलन याइगु
- Post Date 2022-04-05 13:02:01
कृष्ण प्रजापति
किपू नगरपालिकाया ग्वसालय् थ्वहे वइगु चैत २४ व २५ गते निन्हुयंकं किपुली रोजगार सम्मेलन याइगु जूगु दु । थुगु सम्मेलनय् रोजगारदाता व रोजगार आवश्यक जूपिं ल्याय्म्हतय्त छथाय् तयाः थीथी कथंया ज्या मालेगु, ज्या चूलाकेगु व ज्या बियेगु कथं सम्मेलन यायेत्यंगु खः । किपू नगरपालिकाया कीर्तिपुर युवा नगर परिषद ग्वसाखलः जुयाः थुगु निन्हुयंकंया सम्मेलन यायेत्यंगु खः । किपू नगरय् न्हापांखुसि जुइत्यंगु थुगु सम्मेलनय् थीथी रोजगारदाता व ब्यवसायिक संस्थातय् स्टल प्रदर्शनी व अन्तरक्र्रिया, राष्टिय आविस्कार केन्द्रपाखें राष्टिय स्तरय् जुयाच्वंगु आविस्कार सम्वन्धी ब्वज्या, रोजगार व उद्योमशीलता विकास सम्वन्धी प्यनल सहलह नापं कीपू नगरपालिकापाखें घरेलु व ब्यवसायिक शीपया तालिम प्राप्त झिगुलिं वडाया ब्वज्या सौगात गृहया थीथी कथंया हस्तकला प्रदर्शनी जुइगु पत्रकार सम्मेलनय् जानकारी बिल ।
कीर्तिपुर युवा नगर परिषदया न्वकू प्रवीण महर्जनं प्रेस विज्ञप्ति न्यंकादीगु पत्रकार सम्मेलनय् स्वंगू रोजगारदाता संस्था भाइनेट, क्याम्पियन कलेज व नबिल स्कुलं रोजगारया लागिं ज्या याइ । उकि ७० हजार हाल बेरोजगार जुयाच्वंपिं ल्याय्म्हतय्त रोजगार उपलब्ध याकीगु लक्ष्य तःगु दु । कीपू नगरपालिकाया समन्वय जुइगु थुगु न्हापांगु रोजगार मेला किपूया उमा महेश्वर परिसर व सातिकुन्हु पांगाय् न्ह्याइगु खँ मेयर रमेश महर्जन जानकारी बियादिल । ज्याझ्वलय् किपू नगरपालिकाया उपमेयर व प्रवक्ता सरस्वती रिजाल खड्कां थःपिसं थीथी तालिम बियाः नं रोजगार सिर्जना यायेत स्वयाच्वनागु कनादिसें आः जुइगु मेलाय् किपू व किपू लागां पिने च्वंपिं सकल ल्याय्म्हतय्त रोजगार मेलाय् सहभागी जुयाः थःपिसं चाहे जूगु रोजगार प्राप्तिया लागिं कुतः याये फइगु जानकारी बियादिल ।
...
All Comments.......
Please Login/Register To Comments