- Post Date 2022-04-06 13:02:33
कृष्ण प्रजापति
मध्यपुर थिमि नगरपालिकां थःपिनिगु लागाया ऐतिहासिक जात्रा ‘बिस्काः जात्रा’यात विश्व सम्पदा धलखय् सूचीकृत समावेश यायेगु अभियान न्ह्याकूगु दु ।
मध्यपुरथिमि नगरपालिकाया मेयर मदनसुन्दर श्रेष्ठं मध्यपुरथिमिइ न्यायेकीगु थुगु जात्रा अमूर्त कला जूगु न्ह्यथंसे थुगु जात्रायात विश्व सम्पदा धलखय् समावेश जुइगुकथं अभियान न्याकूगु जानकारी ब्यूगु दु । मंगलवाः येँया भृकुटीमण्डपय् च्वंगु नेपाल पर्यटन बोर्डय् पत्रकार सम्मेलन यानाः मेयर श्रेष्ठं बिस्काः जात्रायात विश्व सम्पदा धलखय् सूचीकृत यायेगु नितिं वइगु बैशाख ३० गतेनिसें बैशाख २ गतेतक जुइगु उगु जात्राया प्रचारप्रसारया ज्याय् ग्वाहालि यायेत नं संचारकःमिपिन्त आग्रह याःगु दु ।
मेयर श्रेष्ठं स्वनिगःया फुक्क नगरपालिकाया मेयरपिन्त उगु जात्राय् मंकाः कथं सहभागी याकेगु जानकारी नं ब्यूगु दु । सम्बन्धित फुक्क पक्षं उगु जात्राया प्रवद्र्धनय् ग्वाहालि याःसा विश्व सम्पदा धलखय् समावेश याकेत सहज जुइगु मेयर श्रेष्ठया धापू खः । पत्रकार सम्मेलनय् न्वःवासें येँ महानगरपालिकाया मेयर विद्यासुन्दर शाक्यं स्वनिगः दुनेया फुक्क जात्राया ऐतिहासिक महत्वबारे न्हू पिँढीयात जानकारी बिइत नं फुक्क जात्राया प्रवद्र्धन यायेगु अभियान न्ह्याकेमाःगु अवस्था वःगु धाःगु दु । मेयर शाक्यं ऐतिहासिक व धार्मिक सम्पादया प्रवद्र्धनं पर्यटन प्रवद्र्धनय् नं महत्वं जाःगु भूमिका म्हितीगु स्पष्ट याःगु दु । ज्याझ्वलय् बिस्काः जात्राया किपाः तकं ब्वज्या याःगु खः ।
...
All Comments.......
Please Login/Register To Comments