- Post Date 2022-04-25 15:48:21
कृष्ण प्रजापति
ख्वपय् वइगु बैशाख ३० गते जुइगु स्थानीय निकायया निर्वाचनया लागिं स्वतन्त्र नापं थीथी पार्टीपाखें मेयर, उपमेयर व झिगुलिं वडाया लागिं वडा अध्यक्ष लगायत वडाया न्याम्हं जनप्रतिनिधिइ उम्मेदवारी दर्ता जूगु दु । थुकि नेमकिपां पुलांपिं हे वडा अध्यक्षत न्हय्म्ह व पुलांपिं हे मेयर उपमेयरयात निरन्तरता बिउगु दु । मेयर पदय् निवर्तमान मेयर सुनिल प्रजापति, उपमेयर पदय् निवर्तमान उपमेयर रजनी जोशी नापं १ निसे १० वडा तक छसिकथं श्यामकृष्ण खत्री, हरिप्रसाद बासुकला, राजकृष्ण गोरा, उपेन्द्र सुवाल, योगेन्द्रमान बिजुक्छेँ, डा. हरिराम सुवाल, उकेश कवां, कृष्णप्रसाद कोजू, रविन्द्र ज्याख्वः व लक्ष्मीप्रसाद ह्यंमिखां उम्मेदवारी दर्ता यानादीगु दु । थुकि ४ वडाया उपेन्द्र सुवाल, ५ वडाया योगेन्द्रमान बिजुक्छेँ व ८ वडाया कृष्णप्रसाद कोजू स्वम्ह जक न्हूपिं वडा अध्यक्ष उम्मेदवारत खः ।
नेपाली कांग्रेसपाखें पुलांम्ह हे मेयर उम्मेदवार राम कासुला हाकनं मेयर पदय् उम्मेदवार जुयादीगु दुसा छसिकथं १ वडानिसें १० वडा तक जीवन ज्याख्वः, रामभक्त खर्बुजा, दिवरलाल शिलाकार, प्रेमलाल शिल्पकार, कृष्णसुन्दर खाइजू, केशव सुवाल, धर्मसुन्दर शाक्य, लक्ष्मीप्रसाद गोसाई, काजीमान श्यामा व कृष्णकुमार सुवालं उम्मेदवारी दर्ता यानादीगु दु । अथेंतुं नेकपा माओवादी केन्द्रपाखें मेयर पदय् तुल्सीभक्त सुवाल, उपमेयर पदय् इन्द्रमाया सुवाल व १ निसें ६ वडा तक छसिकथं लक्ष्मीभक्त त्वाती, बीरेन्द्र बासुकला, श्यामकृष्ण गोरा, कृष्णराम पोतामाहा, विष्णुप्रसाद न्हिसुतु, तुल्सीराम ब्यांजूं उम्मेदवारी दर्ता यानादीगु दु । ७ व १० वडा त्वताः ८ व ९ वडाय् छसिकथं कृष्णप्रसाद ह्यंग्वः व राम कुसीं उम्मेदवारी दर्ता यात ।
नेकपा एमालेपाखें मेयर पदय् रविन्द्र लाछिमस्यूं उम्मेदवारी बियादीगु दुसा १ वडानिसें १० वडा तक छसिकथं रविन्द्र न्याइच्याई, राजाराम सुवाल, राजेन्द्र भेले, सुरेश नापित, राजेशपति शर्मा, भूपेन्द्र नेपाली, राम तमखु, नरेश दुवाल, अक्षयसुन्दर प्रजापति व पुण्यराम घतुवां उम्मेदवारी दर्ता यानादीगु दु । नेकपा एकीकृत समाजवादीपाखें उपमेयर पदय् ओमचरण अमात्य, ३ वडा अध्यक्ष पदय् रमेश बल्ल, ५ वडा अध्यक्ष पदय् राजेन्द्र सुवाल व ७ वडा अध्यक्ष पदय् नन्दगोपाल रंजितं उम्मेदवारी दर्ता यानादीगु खँ एकीकृत समाजवादीया नेता माइलाबाबु द्योलां कनादिल ।
अथेंतुं राष्टिय प्रजातन्त्र पार्टीपाखें मेयर पदय् बद्री लाखाजू, उपमेयर पदय् लक्ष्मी छुस्याबागः व १ निसें ९ वडा तक वडा अध्यक्ष पदय् छसिकथं राजेन्द्र गारु, मुकेश बाटी, रमेश थिमि, रविजितसिं राठोर, श्यामकृष्ण रंजितकार, सुरेन्द्र नाखंनँ, काजीलाल मानन्धर, राजाराम साँय्जू व रामसुन्दर प्रजापतिं उम्मेदवारी दर्ता यानादीगु दु । अथेंतुं मौलिक जरो किलो पार्टीपाखें कृष्णराम प्रजापतिं मेयर पदय् उम्मेदवारी दर्ता यानादीगु दुसा सत्य त्वाय्ना व सञ्चज्ञान याकामिं स्वतन्त्र रुपं मेयर व २ वडाया वडा अध्यक्ष पदया लागिं उम्मेदवारी दर्ता यानादीगु दु ।
...
All Comments.......
Please Login/Register To Comments