यसकारण रमाउँंदै छन् भक्तपुरका युवायुवती
- Post Date 2022-12-27 05:54:50
भक्तपुर । भक्तपुरका एक हुल युवायुवती भक्तपुरको परम्परागत बाजा धिमे सिक्न व्यस्त भएका छन् । जगाती भीमसेन धिमे बाजा खलः जगाती भक्तपुरको अगुवाईमा भएको धिमे बाजा प्रशिक्षणमा उनीहरु धिमे बाजा सिक्न मस्त भएका हुन् ।
जगाती भीमसेन धिमे बाजा खलः जगाती भक्तपुरका अध्यक्ष अनिल माकका अनुसार प्रशिक्षण पुसदेखि चैतसम्म गरेर चार महिना चल्ने छ । साँंझ ६ बजेदेखि आठ बजेसम्म दैनिक उनीहरु प्रशिक्षणमा व्यवस्त छन् । सैद्धान्तिक तथा व्यवहारिक ज्ञान दुवै दिई बाजा बजाउन सक्ने गरी प्रशिक्षण दिने जनाइएको छ ।
प्रशिक्षणमा सहभागी प्रशिक्षार्थीलाई चैत वैशाखमा भक्तपुरमा हुने प्रसिद्ध विस्केट जात्राको बेला सार्वजनिक गरिने जनाइएको छ । प्रशिक्षार्थीहरुलाई चैत बैशाखमा सार्वजनिक रुपमा बाजा बजाउन लगाई जात्रास्थलमा लगिने जनाइएको हो । भक्तपुरमा प्रत्येक वर्ष नयाँंवर्षको चार दिन अगाडि र पछाडि गरेर आठ रात नौ दिन धुमधामले विस्केट जात्रा मनाइन्छ । यो क्रममा धिमे बाजाले भक्तपुर नगर नै गुन्जायमान हुने गर्दछ ।
प्रशिक्षणमा पाँंच किशोरी र ११ जना किशोर गरी कुल १६ जना सहभागी छन् । सहभागीहरु न्युनमत १० वर्षदेखि ३० वर्षसम्मका छन् ।
प्रशिक्षणमा सहभागी एकजना किशोरी सलिना शिल्पकारले पुरानो बाजागाजालाई पुनर्जीवित बनाइराख्न आफूले पनि केही मात्रै भए पनि योगदान दिन सकून भनी बाजा सिकेको बताउँंछिन् । यससँंगै बाजा बजाउन पाउँंदा थप आनन्द आउने भएकाले पनि बाजा सिकेको उनको भनाई छ ।
प्रशिक्षणमा भक्तपुर नगरपालिका वडा नं ८ पुरानो जगातीका साथै भक्तपुरका विभिन्न ठाउँंका व्यक्तिहरु सहभागी छन् । मुख्य प्रशिक्षकका रुपमा आयोजक संस्थाका अध्यक्ष अनिल माक रहेका छन् भने अर्का प्रशिक्षक गोपाल किसीले पनि सहयोग गरिरहेका छन् ।
जगाती भीमसेन धिमे बाजा खलः जगाती भक्तपुरका अनुसार यो प्रशिक्षणको चौथौ व्याच हो । यसअघि पनि तीन वटा प्रशिक्षण सफलतापूर्वक सम्पन्न गरेको जनाएको छ ।
एउटा धिमे बाजाको टोलीमा घटीमा ४ जना हुने गर्दछन् । दुई जना धिमे बजाउने, एकएक जना भुछ्या र सिद्ध्या (बाजाका प्रकार) गरी घटीमा एउटा टोलीमा चार जना बाजा टोली सहभागी हुने गरिन्छ । यसका साथै बाजा टोलीसँंगै अन्य पनि साथ दिनका लागि सहभागी हुने गर्दछन् । नेवार समुदायमा धिमेबाजा खुशीयाली, चाँंडपर्व, जात्रालगायतका समयमा बजाउने गरिन्छ । साथै विहे, ब्रधबन्धलगायतका बेला पनि बाजा बजाएर देवतास्थल जाने गरिन्छ ।
All Comments.......
Please Login/Register To Comments