बागमती प्रदेशको सभामुखमा नेपाल मजदुर किसान पार्टीकी सृजना सायजुले उम्मेदवारी दर्ता
- Post Date 2023-01-12 08:05:37
हेटौडा : बागमती प्रदेशको सभामुखमा नेपाल मजदुर किसान पार्टीकी सृजना सायजुले उम्मेदवारी दर्ता गराएकी छन्। उनले नेपालको संविधानको धारा १८२ एवं प्रदेशसभा नियमावली पहिलो संशोधन २०७४ को नियम ७ को उपनियम (२) बमोजिम बागमती प्रदेशसभाको सभामुखका लागि उम्मेदवारी दर्ता गराएकी हुन्।
उनको प्रस्तावकमा नेमकिपाका सुरेन्द्र राज गोसाई र समर्थकमा गीता काफ्ले रहेका छन्।
११० सदस्यीय प्रदेश सभामा बहुमत ल्याउन ५६ सांसदको आवश्यकता पर्छ।
कांग्रेसका ३७,नेकपा एमालेका २७,माओवादी केन्द्रका २१,राप्रपाका १३,नेकपा एसका ७,नेमकिपाका ३ र हाम्रो नेपाली पार्टीका २ सांसद छन्।
All Comments.......
Please Login/Register To Comments