चोरेर ल्याएको कार उडेर बाटो मुनिको घरमा छिरेपछि .........
- Post Date 2023-07-05 07:58:22
भक्तपुर । भक्तपुरको सूर्यबिनायक नगरपालिका वडा नं ८ डोलेश्वरमा रोकी राखेको प्रदेश नं. ३–०१–०२२ च ४९८९ नं. को कार भक्तपुर नगरपालिका ५ आर्दशबाट चोरी ल्याएको ल्याएको भेटिएको छ । बाग्मती प्रदेश नं. ०२–०२९ प ३५०४ नं. को स्कुटी काभ्रे बेथानचोक गाउपालिका ४ घर भई हाल डोलेश्वर बस्ने बर्ष २८ को श्रबण खत्रीले चलाई ल्याएको प्रहरीले जनाएको छ । सोही स्कुटीको चाबीले कारको ढोका खोली कारको क्लोज दबाउदा उक्त कार उडेर बाटो मुनि रहेको बलराम खाइतुको २ तल्ले पक्की घरमा छिर्न गई बुधबार दुर्घटना भएको छ । दुर्घटनाबाट मानवीय क्षति नभएको भए पनि अन्य क्षति भएको प्रहरीले जनाएको छ । दुर्घटनामा पर्दा घरको ढोका अं.रु ५०, हजार, जस्ता र फलामको ट्रस अं. रु एक लाख (१,०००००।–), घरभित्र रहेको डिफ्रिज अ. रु ४० हजार, घरको वाल अं.रु दुई लाख १० हजार र कारको बिभिन्न भागमा क्षति भएको जनाइएको छ ।
उक्त स्थानमा वृत्त जगातीबाट प्र.ना.नि. रामबहादुर चौधरीको कमाण्डमा ५ जनाको टोली खटिएको थियो । उक्त ब्यक्ति वृत्त जगातीको नियन्त्रणमा आएको र कार घटनास्थमा नै रहेको जनाइएको छ । कार चालक जिल्ला रामेछाप सुनपाति गाउपालिका ४ घर भई हाल भक्तपुर पाण्डुबजार बस्ने बर्ष ४४ को समिन लामा र स्कुटी धनी सोही स्थान बस्ने बर्ष ५४ को सानुकाजी सिम्बन्जर वृत्त जगातीको सम्पर्कमा आएको प्रहरीले जनाएको छ । उक्त स्थान वृत्त जगातीबाट ४ कि.मि दक्षिणमा पर्दछ ।
...
All Comments.......
Please Login/Register To Comments