काठमाडौंमा भूकम्पको धक्का महशुश ः जाजरकोटमा हालसम्म ७३ को मृत्यु ः रुकुम पश्चिम जिल्लामा घर भत्किंदा च्यापिएर आमा र चार नाबालक छोरीहरुसहित सातको मृत्यु
- Post Date 2023-11-04 00:58:21
काठमाडौ । काठमाडौंमा शुक्रबार राति भूकम्पको धक्का महशुश भएको छ । जाजरकोट केन्द्रविन्दु भएर गएको भूकम्पमा विभिन्न जिल्लाहरुमा मानिसहरुको मृत्यु भएको अवर सार्वजनिक भइरहेको छ । सवैभन्दा वढी जाजरकोट जिल्लामै हालसम्म ७३ जनाको मृत्युको अवर आइरहेको छ । मृत्यु हुनेहरुको संख्या अझै वढ्ने निश्चित प्रायः देखिएको जनाइएको छ ।
जाजरकोट केन्द्रविन्दू बनाएर शुक्रबार राति आएको भूकम्पमा परेर शनिबार विहानसम्म ७३ जनाले ज्यान गुमाएका छन् । कर्णाली प्रदेश प्रहरी कार्यालयका प्रमुख डिआइजी भिम ढकालका अनुसार भूकम्पमा परेर १०८ जना घाइते भएका छन् ।
‘शनिबार विहान छ बजेसम्मको तथ्याङ्क अनुसार ७३ जनाको मृत्यु हुनुका साथै १०८ जना घाइते भएको जानकारीमा छ,’ उनले भने, ‘उद्दारका लागि प्रहरी खटिरहेको छ, मृतक र घाइतेको संख्या बढ्न सक्छ ।’
प्रहरीका अनुसार जाजरकोटमा ४४ जना र रुकुममा २७ जनाको शव निकालिएको छ ।
प्रहरीले नेपालगञ्जबाट प्रहरी अस्पतालको टोली आवश्यक औषधिसहित खटाएको छ भने छिमेकी जिल्लाहरुबाट पनि उद्दारका लागि प्रहरी पठाएको जनाएको छ ।
All Comments.......
Please Login/Register To Comments