तेश्रो भक्तपुर कप फुटवल प्रतियोगिता हुने
- Post Date 2024-02-01 07:27:29
भक्तपुर । भक्तपुरमा तेश्रो भक्तपुर कप खुला फुटबल प्रतियोगिता हुने भएको छ । प्रतियोगिताको मिति भने तय गरिएको छैन ।
भक्तपुर युवा टिमको बैठकले यो वर्ष पनि प्रतियोगिता गर्ने निर्णय गरेको हो । प्रत्येक वर्ष निरन्तर दुई पटकसम्म सफलतापूर्वक प्रतियोगिता गरेको युवा टिमले तेश्रो संस्करण आयोजना गर्ने जानकारी गराएको हो ।
प्रतियोगिताका खेल महेश्वरी खेल मैदान भक्तपुरमा सञ्चालन गरिने छ । भक्तपुरमा फुटबलमय वातावरण सिर्जना गर्ने उद्देश्यअनुरुप तेस्रो संस्करणको प्रतियोगिता गर्ने निष्कर्षमा आयोजक टिम पुगेको बताइयो । प्रतियोगितालाई सफल बनाउन गत वर्ष जस्तै सबै क्षेत्रबाट सहयोगको अपेक्षा गरिएको छ ।
भक्तपुरको खेलकुद र सामाजिक कार्यलाई प्रभावकारी बनाउन मित्रता अनुशाशन र स्वास्थको लागि खेलकुद भन्ने नाराका साथ भक्तपुर युवा टिम २०५० सालमा गठन भएको थियो । टिमले पहिलो पटक २०७८ फागुन ६ देखि १४ सम्म खुल्ला भक्तपुर कप फुटबल प्रतियोगिताको आयोजना गरेको थियो ।
All Comments.......
Please Login/Register To Comments