पहिलो प्रेम
तिमीले लेखेको पत्रसँग
दोस्रो प्रेम
तिमीले दिएको औंठीसँग
अनि तेस्रो प्रेम
भौतिक शरीरसँग
तैपनि, प्रेम के हो बुझ्न सकनौ तिमीले
न मैले नै बुझ्न सकेँ
तिमिले बुझेको प्रेम
धन र सम्पत्ति
अनि
ठुला –ठुला महल
पद, प्रतिष्ठा
तिमीले
आँखा चिम्लेर दिने प्रेम नै
बस् त्यही थियो ।
प्रिय मन,
तर,
तिमीले
दिएको प्रेम
किन प्रेम लागेन मलाई?
सोधिरहेछु आफैलाई ।
मैले बुझेको प्रेम त
भावना र सद्भाव थियो
दुई आत्माको मिलनको विन्दु थियो
जीवनमा दुःख सुख
हाँसो खुसी
बाड्ने हो प्रेम थियो ।
खै तिमीले बुझेको प्रेम
ठिक
वा मैले बुझेको प्रेम ठिक ?
समयले
पक्कै बताउँला ।
म समयकै चौतारीमा
कुरिरहेछु
एउटा जिज्ञासा बोकेर
राम चन्द्र प्रजापति
...
All Comments.......
Please Login/Register To Comments