नगरपालिकाकै पहिलो व्यायाम पार्क ताथलीमा
- Post Date 2020-11-03 04:41:15
भक्तपुर । ताथलीमा चाँगुनारायण नगरपालिकाकै पहिलो व्यायाम पार्क बन्ने भएको छ । बढ्दो सहरीकरणले खुला स्थान तथा खेलमैदानको अभाव सिर्जना भएको अवस्थामा खेलमैदानसँगै व्यायाम पार्क बन्ने भएको हो ।
यसका लागि नगरपालिकाले आर्थिक वर्ष २०७६÷०७७ मा बजेट विनियोजन गरेको थियो । गत वर्ष बजेट विनियोजन भए पनि पार्क निर्माणका लागि उपभोक्ता समिति गठनसँगै पार्कको काम अघि बढाउने क्रममा लकडाउनको प्रभावका कारण रोकिएको सो योजनाको कामले अहिले गति लिएको छ ।
उनले योजना अनुसारको काम गर्नका लागि ताथलीको सौडोलस्थित सार्वजनिक जग्गा सम्याउने काम थालिएको बताए । सौडोलमा रहेको करिब ४ रोपनीको पर्ती जग्गामध्ये आवश्यक जग्गा सम्याउने काम भएको बताउँदै अध्यक्ष बासुकलाले योजनाका लागि वडा नं. ९ मार्फत् रु. ५ लाख विनियोजन भएको जानकारी दिए ।
अध्यक्ष बासुकलाले भक्तपुरका विभिन्न टोलहरुमा व्यायाम गर्ने सामानहरु जडान गरी पार्क बनाइएको र पार्कमा बालबालिकादेखि वृद्धवृद्धासम्मले अभ्यास गरेको देखेपछि ताथलीमा पनि सो किसिमको पार्कको महशुस स्थानीयले गरेको बताए ।
उनले भने, ‘अहिलेको बदलिँदो जीवनशैलीको कराण नसर्ने रोग, हाडजोर्नीको दुखाइ, नसासम्बन्धी रोगहरू बढ्दो छ । शारीरिक श्रमको कमीले निम्त्याएका रोग निर्मूलका लागि व्यायामको आवश्इकता महशुस गरी व्यायाम पार्क बनाउन लागेका हौं ।’
...
All Comments.......
Please Login/Register To Comments